Эмне үчүн коронавирустан кийин бут жана муундар ооруйт?
Коронавируска чалдыгып айыккан соң терапевт, артролог дарыгерлерге муундардын, тизенин ооруларынан жабыркаган бейтаптар көп кайрылышат. Бул тууралуу COVID-19га каршы республикалык штабдан билдиришти.
Маалыматка ылайык, COVID-19 муундардын синовиалдык түйүндөрүнө кирген зыяндуу заттарды бөлүп чыгарат. Анда сезгенген тамырлар жана нерв тамырлары бар, ошондуктан оору пайда болот.
Коронавирус басаңдап, бирок буттун, тизенин жана муундардын оорушу калып калганда, салттуу эмес медицина менен өзүн-өзү дарылоонун кереги жок. Коронавирус өнөкөт оорунун өнүгүшүнө түрткү болушу мүмкүн, аны аныктоо жана дарылоо кесипкөй дарыгерлер тарабынан жүрүшү керек.
Коронавирустук инфекция өнөкөт оорулары бар адамдардын муундарын жабыркатат. Мындай патологиясы бар бейтаптар өзгөчө этият болушу керек. Ансыз деле жабыркаган муундарга вирус терс таасирин тийгизет.
