COVID-19: Жаңы катталган учурлардын баары Бишкекте
Кыргызстанда акыркы суткада СOVID-19 инфекциясынын 14 жаңы учуру катталды, бардыгы Бишкек шаарында. Бул тууралуу COVID-19га каршы Республикалык штабдан билдиришти.
Маалыматка караганда, оорулардын алдын алуу жана мамлекеттик санитардык-эпидемиологиялык көзөмөл департаментинин маалыматы боюнча, учурлардын бири сырттан келген (БАЭден келген). Белгиленген 14 учурдун ичинен:
- 10 адам оорунун белгилеринен улам кайрылган;
- Төртөөнүн симптому жок, анын ичинен бирөө чет өлкөгө кетерде ПЧР-тест тапшырганда билинген.
Ооругандардын жаш курагы:
18-29 жаш – 3 (21,4%)
30-64 курактагылар– 9 (62,3%)
65 жаштан жогоркулар – 2 (16,3%).
Илдетти жуктургандын экөө гана эки жолудан вакцина алышкан.
13 адам амбулатордук дарыланууда,
Бирөө ооруканага жаткырылды.
11-июлга карата тобокелдиктерди баалоо матрицасына ылайык, бардык аймактар жашыл зонада.
Бирок акыркы жумада эффективдүү репродуктивдүү сан (жугуштуу оорунун жугуштуулугун мүнөздөгөн параметр) 1ден жогору, бул оорунун көбөйө баштаганын көрсөтүп турат.
Пандемия башталгандан бери өлкөдө COVID-19 менен ооругандардын саны 201 215.
Илдеттин кесепетинен каза болгондор 1,5% түзөт.
2022-жылдын 6 ай 10 күнүндө – 16 467 COVID-19 учуру, анын ичинен 14 473 (87,9%) лабораториялык тастыкталган жана 1994 (12,1%) клиникалык жана эпидемиологиялык тастыкталган (симптомдор боюнча).
