"Соттолгондордун качуу үчүн амалдары". ЖАК кызматкерлери окутулууда
"Соттолгондордун качуу үчүн колдонгон амалдары". Бул жана башка конкреттүү темалар ЖАК кызматкерлери тарабынан изилденген.
ЖАКнын басма сөз кызматынан билдиришкендей, Кыргыз Республикасынын Юстиция министрлигинин Жаза аткаруу кызматынын Бишкек шаарындагы Окуу борборунун адистеринин бүтүндөй тобу Ош жана Жалал-Абад шаарларындагы №10, 25 жана 53 мекемелердин өздүк курамына көчмө лекциялардын циклин өткөрүштү.
Окуу десантына атайын дисциплиналар кафедрасынын башчысы, и/к полковниги Океев С.К., күжүрмөн жана дене тарбия кафедрасынын башчысы, и/к полковниги Мустаков И.Б., гуманитардык-укуктук дисциплиналар бөлүмүнүн башчысы, и/к майору Шевченко А.В., окуу-усулдук бөлүмүнүн, и/к капитаны Мурзаев Т.Ж. улук инспекторлор кирген. Алардын сабактары 100 адамды камтыды.
Ошондой эле жолугушуулардын жүрүшүндө Окуу борборунун ишмердүүлүгү жана алдыдагы пландары боюнча маалымат берилди.Тактап айтканда, 26-сентябрда "Кыргыз Республикасынын Юстиция министрлигине караштуу Жаза аткаруу кызматынын кадр саясатын өркүндөтүүнүн көйгөйлөрү жана жолдору" деген темада илимий-практикалык конференция өткөрүү пландары боюнча маалымат берилди.
Мындан тышкары, угуучуларга "Абак кызматкерлеринин кесиптик ишмердүүлүгүнүн негиздери" методикалык колдонмосу жана "Соттолгондордун качуу үчүн колдонгон амалдары" деген окуу-практикалык колдонмосу тартууланды. Бул материалдар кесиптик билим берүү кызматкерлери менен кошумча сабактарды окууга жана өткөрүүгө арналган.
