"Түндүк электр" жаңы "Чексиз" тарифин киргизүүдө. Бир киловатт 5,04 сом
"Түндүк электр" колдонуучулар үчүн "Чексиз" тарифин киргизүүдө, - деп билдирет компаниянын басма сөз кызматы.
Маалыматка ылайык, электр энергиясы менен жылытуу максатында уруксат берилген кубаттуулукту көбөйтүүнү каалаган жана электр энергиясы менен камсыздоочу уюмдар менен түзүлгөн эркин түрдөгү индивидуалдуу келишимдин негизинде тектеш келүүчү техникалык шарттарды алууну каалаган жөнөкөй колдонуучулар үчүн тариф киловатт саатына 5,04 сом болот (эл үчүн деген тарифке салык чегерилбейт).
Аны менен катар электр энергиясын колдонууга чектөөлөр киргизилбейт (криптовалюта майнингинен сырткары).
Жогоруда аталган тариф эркин негизде жөнөкөй колдонуучулар үчүн жана электр энергиясы менен камсыздоочу уюмдардын техникалык мүмкүнчүлүктөрү бар болгон учурда колдонулат. Муну менен бирге эле электр энергиясы менен камсыздоочу уюм менен түзүлгөн жеке келишим бар болгон учурда тариф колдонулган электр энергиясынын бардык көлөмүнө колдонулат жана керектөөнүн нормасы саатына 700 киловатт болгон учурда тариф таасир этпейт.
Мындай жол менен жогоруда аталган колдонуучулардын тобу жөнөкөй колдонуучулар үчүн электр энергиясын жана кубаттуулугун чектөөсүз колдонууга шарт түзүп берет.
Белгилей кетсек, министрлер кабинетинин токтомунун негизинде "Керектөөсү жана кубаттуулукту колдонуусу чектелбеген электр энергиясын колдонуучулар" ("Чексиз" тарифи) аталышындагы колдонуучулардын жаңы тобу киргизилди.
