Караколдо Жаза аткаруу тутумунун кызматкерлери арасында футбол турнири өттү
Каракол шаарында Жаза аткаруу тутумунун кызматкерлери арасында футбол боюнча мелдеш өттү. Бул тууралуу ЖАКнын басма сөз кызматы билдирди.
Маалыматка караганда, Жаза аткаруу тутумунун кызматкерлеринин күнүнө карата Каракол шаарындагы №23 мекемеде Жаза аткаруу тутумунун кызматкерлери арасында кичи футбол боюнча турнир болуп өттү. 5 командага бөлүнгөн 54 оюнчу катышты.
Жыйынтыгында 1-орунду №1 мекеменин командасы ээледи. Экинчи орунду Нарын СИЗОнун командасы багындырды. 3-орунга №23 мекеменин күндүзгү сменанын кызматкерлери ээ болушту. Алардын бардыгы тийиштүү грамоталар жана дипломдор менен кубатталды.
Ошондой эле "Мыкты оюнчу" номинациясында сержант Кубанычбек уулу Калыбек сыйланды. Сержант Арслан Абдрахманов "Мыкты чабуулчу", и/к капитан Эрнист уулу Эрлан "Мыкты дарбазачы" деп табылды.
