Шашылыш билдирүү. Үшүк жүрүшү күтүлөт

2013-жылдын 5-апрелинде Чүй областынын тоо этектеринде, Талас, Нарын, Ысык-Көл облустарынын айрым жерлеринде абанын температурасы 0…-3 градус төмөндөп, үшүк жүрүшү күтүлөт. Мындай үшүктүн жүрүшү мөмөлүү бактарга коркунучтуу. Бул тууралуу КР Өзгөчө кырдаалдар министрлигинин басмасөз кызматы билдирди.

Апрелдин 5-де жаап өткөн жаан-чачынга байланыштуу Кыргызстандын тоолуу райондорунда: Бишкек-Ош (121-137 км, 198-265 км), Каракол-Эңилчек (45-90 км), Мырзаке - Кара-Кулжа - Алайкуу (45-90 км, 145-150 км), Ала-Бука - Каныш-Кия (62-100 км) тоолуу унаа жолдорунда кар көчкүсү, кар күрткүсү күтүлөт, жолдор тайгак болуп, муз тоңот. Кар көчкү жүрүүчү аймактардагы жолдордо унаалардын ортосунда 500 метр аралыкты так кармоо сунуш кылынат.