Зарылбек уулу Алмазбек Пробация департаментинин жетекчилигине дайындалды
Зарылбек уулу Алмазбек Юстиция министрлигинин алдындагы Пробация департаментинин директору болуп дайындалды. Бул тууралуу бүгүн, 3-сентябрда аталган министрликтин басма сөз кызматы билдирди.
Тиешелүү буйрукка премьер-министр Мухаммедкалый Абылгазиев кол койгон. Юстиция министри Марат Жаманкулов жамаатка жаңы дайындалган жетекчини тааныштырды.
Пробация департаменти ушул жылдын 1-сентябрынан тарта иштеп баштады.
Маалымат үчүн:
Зарылбек уулу Алмазбек 1975-жылы 16-июлда Чүй облусундагы Жайыл районунун Кызыл-Дыйкан айылында туулган. Жогорку юридикалык билимге ээ. Ал буга чейин улуттук коопсуздук органдарында, Тышкы иштер министрлигинин Консулдук кызмат департаментинде, ошондой эле Юстиция министрлигинин Чүй жана Бишкектеги башкармалыгында эмгектенген.
