Конституциялык палатанын судьясы К. Абдиев отставкага кетти
Бүгүн, 1-октябрда Конституциялык палатанын судьясы Курмантай Абдиевди жаш курагына байланыштуу салтанаттуу узатышты.
Конституциялык палатанын төрагасы Карыбек Дъйшеев Курмантай Абдиевди 70 жашка чыккандагы мааракеси менен куттуктап: "Мындай жогорку жана жоопкерчиликтүү кызматтан жаш куракка байланыштуу кетүү чоң жетишкендик", - деди.
Анын айтымында, Курмантай Абдиев бийликтин 3 бутагында тең иштөөгө жетишип, жетектөөчү кызматтарда эмгектенип, чоң тажрыйба топтоду.
Салтанаттуу иш-чаранын жүрүшүндө чакырылган коноктор жана судьялар сөз сүйлөштү. Алар Курмантай Абдиевдин жетишкендиктерин белгилешти.
Белгилей кетсек, бүгүн, 1-октябрда К.Абдиев 70 жашка чыкты.
Ал 2009-2010-жылдары Кыргыз Республикасынын юстиция министри кызматын аркалаган.
2010-жылдын июнь айынан 2015-жылдын май айына чейин "Ата Журт" партиясынын тизмеси боюнча Жогорку Кеңештин V чакырылышында депутат болгон
2015-жылы 7 жылга Конституциялык палатанын судьясы болуп шайланган.
