Бишкекте 1-класска 8 миң бала барары аныкталды
"Борбордогу мектептерге 8 миңге жакын бала барат, бирок, орундар боюнча көйгөйлөр жаралууда. Бишкекке келген көп ички мигранттардын балдары да окушу керек",-деп билдирди бүгүн шаар мэри Иса Өмүркулов шаардын мектептеринин директорлору менен жолугуп жатып.
Мэрдин айтымында, кээ мектептерде окуй тургандар арбып, орун жетишпей жатса, кээ бир мектептерде класстар толбой жатат.
"Ата-энелер балдарын жакшы окуткусу келет. Мисалы, быйыл №17 мектепке миң окуучу арыз берген, себеби, билим сапаты жакшы. Андыктан, биринчи иретте ошол аймакта жашагандарды кабыл алып, калгандарынан баш тартып, бирок, бош орундар бар мектептерге жөнөтүү керек",-деп айтты мэр.
Шаар башчысынын айтымында, мектеп директорлору ата-энелерге сылык-сыпаа түрдө түшүндүрүп, баш тартышы керек.
