Элмира Ибраимова Эсептөө палатасынын төрайымы болуп дайындалды
Ишемби күнү 10-ноябрда КР президенти Алмазбек Атамбаев Элмира Ибраимованы Эсептөө палатасынын төрайымы кылып дайындоо жөнүндө буйрукка кол койду. Бул тууралуу КР президент аппаратынын маалыматтык саясат бөлүмү билдирди.
Маалымат үчүн:
Элмира Ибраимова 1962-жылы 13-апрелде Фрунзеде туулган.
КР толук ыйгарым укуктуу элчиси деген рангы бар (1999-ж.).
2007-2009-жылдары “Ак-Жол” партиясынын мүчөсү.
2009-жылы жүргүзүлүп аткан саясатка макул эместигин билдирип вице-премьер министрлик кызматтан кеткен.
2009-жылдын мартында Бакиевдин бийлигин кескин сынга алгандыгы үчүн “Ак-Жол” партиясынан чыгарылган.
Сыйлыктары:
1996-жыл – КР прездентинин буйругу менен “Манас-1000” медалы менен сыйланган.
2000-жыл – Аялдардын статусу жөнүндө комитети бейөкмөт уюмунун ардак сертификаты, Нью-Йорк шаары.
2005-жыл – Аялдардын бүткүл дүйнөлүк саммити сыйлыгынын лауреаты, Женева шаары.
2006-жыл – КР ардак грамотасы.
